Gullborg fékk Hvatningaverðlaun frá Skóla og frístundasviði Reykjavíkur skólaárið 2012-2013 fyrir verkefnið „ Vesturbæjarfléttan" en það verkefni er samstarf leikskóla, grunnskóla og frístundaheimila í vesturbænum. Allir leikskólar, grunnskólar og frístundaheimilin í vesturbænum fengu þessi Hvatningaverðlaun.

Einnig var Gullborg tilnefnd til foreldraverðlauna Heimilis og skóla fyrir verkefnið „Tilfinningabækur".  

Við erum mjög stolt af þessum verðlaunum og tilnefningum, takk fyrir ánægjulegt samstarf.

Fh. Starfsmanna í Gullborg

Rannveig J Bjarnadóttir

Leikskólastjóri í Gullborg

Gleðilegt sumar og takk fyrir veturinn !

Kveðja frá öllum í Gullborg

BARNAMENNINGARHÁTÍÐ

Í REYKJAVÍK 23.-28. apríl 2013

Barnamenningarhátíð verður haldin í Reykjavík dagana 23.-28. apríl 2013. Þar verður að finna fjölda viðburða sem börn og fullorðnir, í fylgd með börnum, geta sótt sér að kostnaðarlausu út um alla borg ! Börn af Regnbogadeild tóku þátt í opnunarhátíðinni í dag í Hörpu. Börnin af Grænudeild komu og horfðu á. 

Dagskrá Barnamenningarhátíðar er nú farin að taka á sig afar skemmtilega mynd og þegar hafa borist viðburðir frá menningar- og listastofnunum, listhópum, listamönnum, félagasamtökum, listaskólum, grunnskólum, leikskólum og frístundaheimilum. sjá slóð www.barnamenningahatid.is

Í gær kom pabbabandið ásamt ungum fyrrverandi Gullborgurum klæddir KR treyjum og spilaðiu og söngu fyrir börn og starfsmenn í salnum. Spiluðu þeir  leikskólalög og vinsæl lög sem börnin sungu af mikilli innlifun og gleði. 

Á morgun föstudaginn 19. apríl  kl. 9.30 í salnum mun Bernd Ogrodnik brúðuleiklistarmaður vera  með hina bráðskemmtilegu og gullfallegu sýningu sína, Pétur og úlfinn. Sýningin, Pétur og úlfurinn, er byggð á hinni óviðjafnanlegu sögu og tónverki, ,,Pétur og úlfurinn" eftir Sergei Prokofiev. Sýningin er í boði foreldra í Gullborg.

Á mánudaginn 22. apríl er foreldrum, ömmum og öfum boðið í morgunkaffi í Gullborg. Tilefnið  er Alþjóðadagur jarðarinnar sem er orðin fastur liður af okkar leikskólamenningu. Börn og starfsmenn hafa  haldið vorhátið tengt þessum alþjóða degi jarðarinnar með mismunandi   þema  tengt   fjölmenningu og  náttúru.   Í ár er heiti þemavinnunar „nærumhverfið okkar „ og tengist hún sjálfsmynd barnanna.   Börnin hafa verið að  læra  um nærumhverfi leikskólans og hvar þau eiga heima og einnig merkar byggingar sem eru í vesturbænum og tengjast börnunum.  Einnig hafa þau lært umhverfismennt og  um endurvinnslu.  Unnið verkefni og hengt upp til sýningar í sal leikskólans og inn á öllum  deildum, Guludeild, Bláudeild, Rauðudeild, Grænudeild og Regnbogadeild.   Markmið okkar  er  að stefna að  Grænfánanum,  læra meira  að flokka rusl og endurvinna verðlaust efni.  Hvetjum við ykkur að koma og skoða verk barnanna á öllum deildum   og fræðast um hvernig þau upplífa sig í nærumhverfinu sínu.Sýningin stendur frá 22. apríl til 26. apríl frá kl. 10.00-11.00 og frá 14.00-15.00.